ال ابو دعير | كلمات عبدالهادي ال هضبان | اداء حسين ال لبيد USA-DE

قبل لاتشع الشمس مع خيطها المفتول وتكفكف ظلام الليل وتقصر حباله تنويت بالممشى عجل والفكر مشغول وطول المسافه شاربه شربة بياله علي اللي ماياقف غير لمزود البترول ماكن الجنوب الا على قوس تمثاله ومن طربتي مااشوف قدام عيني زول وخويي قصيدً لابدا الواجب الجاله انظم بيوته كنها نظم عقد اللول وانقي شوارد ندره واكتب جزاله وعلى المنبر يجملني بمعرفه واصول الاياكبر قدره وياكبر منزاله وفالمحفل اللي يجمع من الزحول زحول هلا مرحبا ترحيبةً العود وعياله نرحب ومضمون التراحيب له مدلول بضيفاننا الغالين كلً على فاله على البن الاشقر دول يقفاه دول ودول وعلى عودً ازرق يلتعج داخل الصاله وسنام القعود اللي عليه الشحم مدبول عوايد كريمً ضيفه يكرم اسباله حزام الرفيق ودرعه وسيفه المسلول وخزام الخصيم وعوق كبده وسلاله نباه يتردد بالمراجل سطر وفعول وكم من عدوً بالوغا شرب فنجاله كسب بالمواقف من مديح العرب محصول ورفع من على روس المشاريف منزاله وانا ماامدح الا يوم مدحي عليه دلول وزحول القبايل ثبت قولي ومعداله ومادام المديح استرسل وشاربه مفتول ابا امدح مديحً كثر الله من امثاله هذا عمي اللي بالسطر والكرم مجبول ماتسعفني بيوت القصيد احصر خصاله هذا الفارق اللي عند كل العرب مقبول حكيمً على جم الوفا تارد حباله بوعبدالله اللي به قصيد الفخر معقول اباهي بعده واتغنى بمواله ومبروك ياخالد وعمرك عساه يطول لمع نجمك وسمعتك بالطيب مختاله وفي كل علمً طيب تحقق المامول ولاخير في رجلً مايسعى ورا اماله ويوم الردي ماوصل الا مع مرسول وصلت بمواصيلك على قاله وطاله واذا للمفاخر سيره وللمدايح نول انا ربعي اللي ذكرهم شامخ القاله تواريخهم في صفحة المجد عرض وطول بهم يفخر التاريخ من جاله لـ جاله من الماضي اللي فيه سطوه ودبك خيول الى الحاضر اللي ينعم الشعب بضلاله وهم بين عز وطيب فزعه ونقل حمول وشموخً يرفرف والمواقيف تبراله مخلف دعير وذكرهم بالفخر مدهول يمارى بهم بااطيب نبا واعرق سلاله ومن راس هضبان وشبا المرهف المصقول قلطنا على المجد وشربنا من زلاله نقود السرايا يوم للحرب قرع طبول نفض الجموع بجمع رجلي وخياله افاخر بهم وانا بطاري الفخر مجبول عليهم سلامً يرتفع راس من قاله

Category