تهنئة الشعوب لسلطان القلوب | | منذر الفطيسي | سيف الريسي USA-DE

العمل الوطني بمناسبة العيد الوطني ال 47 من مختلف القارات #تهنئة_الشعوب_لسلطان_القلوب القصيدة: صباح الخير يا مولاي مساء الخير يا مولاي وفي كل وقت وجهك خير واحنا بخير نعيش فـ حكمتك ، إنسانك ، افكارك وأرض عمان يعرفها الذهب من وين والى وين ولكن حكمك النابض تسامح .. مجغرف هالسما من دون آخر كأن كل ارض فالعالم سماها عمان - أوروبا - من الفرحه نعايد دار منهجها الســـــلام اللي بلا استسلام بها النهج السوي وقابوس فردوس الأمان وشعبه إنساني وطن يخته تهجاه البحر آل السعــــــــــيد وراسيِ بأحكام يجابه للعواصف والمراســــــــــي ثابته والحكم سلطاني نعم قابوس م السبعين والعمر يتكلم والسنين كرام نعم قابوس في أوطان بشته ضـــف شعب وعاش متفاني وش اطهر من بياضٍ زار وجه ومن على اللحيه استدار احرام وش اصدق من حضارات وشعوب تعايده وتعزف له اغاني قطفنا الفخر من يوم احترمنا بحكمته واحنا رجال احشام تعانقنا العواصم من تشوف مصر عز وثوبٍ عماني ولا هو شعر يا مولاي ولكن واقع نعيشه كأن عمان في كل شبر لما نشوف اماكن غربه تحضنا كأنا من وطنها وفيه كأن الشعب يملك حب ، مع كل شعب يعرفنا عمانيين ومن يحكي عن التاريخ ومن يتسائل فـ نفسه أبد ما شاف ؟ مرحوبي ، وأمتوني وعجائب للبحر قلعه ؟ له المشهد ... له الصوره ... له التاريخ يتكلم - أفريقيا - من شرفة العز هـ التاريخ صافحنا والغيم ينطق هنا، العز، ومراقيبه حضارة عمان لا زالت تجنحنا سيفين مع خنجر الناموس والهيبه أسم العماني مثل عــــود فـ مطارحنا يتشابه الطيب لكن ينعرف طيبه واما شعبنا الوافي بقى وافي لنا اجداد وصّونا بأن هذي البلد جنه ويكفينا فخر انه "رسول الله محمد" حدّث اصحابه عن عمان وأهالي عمان بلد تشهد له الأيام بالهجري وميلادي - عمان - عدونا قاصر حصانه يعرفنا من راية علمنا وصديقنا كاسب رهانه والغيم ما غيب نجمنا شعب بوطن مرفوع شانه والعالم بأسره احترمنا محزم كرم متروس زانه دوم الجماله تحتزمنا عماننا نعمه وامانه حنا ظفرها وهي لحمنا ندري الفتن ما الها خانه وقابوس حشمها وحشمنا قرينا من يديك ان الفكر قوه، وان الارض نغرسها تسامح لجل نجنيها امان وسعد ومروّه واذا انت اتبسّم يبتسم بحر العرب لآخر خليج عمان وجبال السلطنه تسبر حناجر شعبك وتسمع:- وانت بخير يا مولاي، واحنا بخير يا مولاي .

Category