نُورخان بزنجو ءُ آئی ءِ اِزم - مُبارک قاضی Noor khan bizanjo o aaie izm. USA-DE

نُورخان بِزنجو عہدے کہ ابدمانیت ۔ نثاریوسف ۔ کساس ءٙ نہ زان ئے غمانی منی شپاں ایوک اِنت ، ماہکانی منی اگاں نُور تو ، سرگِرئے پہ من ءٙ زہیر اٙنت ءُ ارس اٙنت نشانی منی بلوچی ساز ءُ زیمر ءِ آزمان ءِ درپشناکیں استال ، اُستاد نورخان بِزنجو ءِ ابدمانی ءٙ ھژدہ سال توام کت ، ءُ مروچی بہ زاں 5، اگست 2021 ، آئی ءِ ھژدہمی سالروچ اِنت ، نُورخان بِزنجو ءٙ 5, اگست ،2003 ءٙ وتی گوشداروک ، دوست ءُ دوزواہ ، ءُ کس ءُ عازیز کُل مونج ءُ بژنیگ کُت اٙنت ، اے دو روچی دُنیاے یلہ دات ءُ پہ وتی مُدامی ھنکین ءٙ شُت ءُ ابدمان بیت ۔ اللّہ ءِ نیکیں رحمتانی ساھگ ءٙ بات اے گپّ ءٙ ھژدہ سال گوستگ بلئے انگّت ہنچو سما بیت گُشئے مرچی ہوں آ ہمد ءٙ گوں ما ہوار اِنت , مئے دیم پہ دیم ءٙ نِشتگ ، گوں وتی دلکشّیں توار ءِ سحر ءٙ ھدوک ءُ آمُرزی ایں دلاں پیچان ءُ پتایان اِنت ، کلہے ہم اے گپّ ءِ گُمان نہ بیت کہ نی آ مئے اے دُنیا ءٙ نہ اِنت ، پہ نمیرانی ءٙ چِد ءُ توانا تِریں مثال ءُ دٙر وٙر ماں جہان ءٙ دگہ چے بیت کنت ویرانگی ءِ دنزّاں مہ روپ اِت منی گِس ءِ کسّے ءِ کندگانی توار اِنت ، اِد ءٙ نہ اِنت ۔ بلوچی زبان ءَ پہ وت ءٙ بازیں نامداریں ازمگر ءُُ ساچست کار ودی کتگ ، آ تُری ساز ءُ زیمل ءِ پڑ بہ بیت یا شاعری ءُ سیاست ءِ یا ازم ءِ اے دگہ تک ءُُ پہنات بہ بنت ، منیگ ءُُ نورخان ءِ سیادی ءُُ رشتہ نہ تہنا گوں ازم ءَ ہم گرنچ اِنت بلکن من نورخان چو قمبر ءَ رودینتگ ، بزاں من آئی ءَ را سوج ءُ سر چو زہگے ءِ حساب ءَ کتگ ، نورخان چہ کسانی ءَ یک زود فہم، ذہین ءُُ مردم شناسیں ہستی ے بیتگ، ازم ءِ باندات ءَ نورخان یک ہمک جہتیں مردمے بیتگ ، آئی ءَ نہ تہنا ساز ءُُ زیمل ءِ پڑ ءٙ وتی نام منائینتگ ، بلکن آ چہ بلوچی زبان ءِ نوکیں دؤر ءِ ڈولڈار تریں شاعراں یکے نورخان ءِ شاعری ءَ سک باز ”ابہام“ یا ریس ءُُ پریس مان نیست ، زانتکار گش اٙنت کہ شاعری ءَ وہدے ”ابہام“ مان مہ بیت آ بے تام ءُُ بے لزّت انت بَلے منی وتی گُمان اش اِنت کہ ہر ہما جاگاہ ءَ کہ لبزِ شعر کارمرز بیت ، ”ابہام“ وت سرا وت ازم ءِ یک تہرے جوڑ بیت ، من اے ھبر ءَ دلجم نیاں کہ نورخان ءَ وتی شاعری بندات کدی کتگ ، بَلے یک چیزے وانوک المّی ءٙ مارنت کہ آئی ءِ تہا لچّہ کاری ءِ زیب (poetic perception ) سک باز توام ءُُ لائق ء فکر اِنت نورخان ءِ وش گشی آئی ءِ شاعری ءِ منہ وارانت نہ زاناں پرچا نورخان ءِ شعرانی وانگ ءِ وہد ءَ منا باز رندا اے گُمان بیتگ کہ آئی ءِ شاعری چہ آئی ءِ وش گشی ءَ پیشتر اِنت ، بلوچی زبان ءِ یک ءُُ دو وش گُش ساہ پہ در اَنت ، اے دگہ کل وزن ءُُ رد ءُُ پیش رد ءِ باندات ءَ لکیر ءِ فقیر انت ، من ءٙ ہمے جاگاہ ءَ اے حیال بازبیچاڑ کنت کہ ہچ وشگش ءَ وزن ، بحر، ردیف، قافیہ ءُُ علم العروض ءِ اے نازرکی ءِ نیمگا دلگوش گور نہ کتگ ۔ چہ ہمدا من ءٙ سما کپیت کہ اتمن آئی ءَ گوں شعر ءُُ شاعری ءَ یک دگہ رسانکی ءُُ ازمی سیادی ے بیتگ ۔ من وتی گپ ءَ ہمے واستا منّیناں کہ نورخانءَ دہ ءُ دوازدہ شعر نبشتہ نہ کتگ ، آئی ءِ شعر کہ منی گورا ایر انت ، یک سد ءُ پنجاہ ءَ برز انت ، نورخان مروچیگیں بلوچی لبزانک ءِ شاعری ءِ بہر ءِ یک بلاہیں ازمکارے ۔ نورخان ءِ شاعری ءِ گیشتر آئی ءِ تہی مارشت وانوکاں پہ وتا یک راھے گیشینگ ءِ چیدگ انت ، نورخان ءِ شاعری باز سادگ ءُُ ارزانیں بلوچی زبان ءِ تہا انت ، آئی ءِ گیشتر شاعری ءِ تہا عشقی یا رومانوی مَیل ءُُ شبین الکاپ ءَ گندگ بنت ، نورخان ءِ شعرانی تہا صوفیانہ رنگ ہم وانوکانی دیم ءٙ پدّرائیں دروشمے ءٙ کاینت ءُُ اوشت اٙنت ، ارزانیں زبان، لبزانی گچینءُُ ردءُُ بند ءُُ فکر ءِ تر ءُُ مانترّاں سر کپان ءُُ ایرکپان ءٙ نورخان ءَ وتارا ازم ءِ ہما پانداں رسینتگ کہ آ چو بولان ءِ کوہ ءَ لیٹینگ نہ بیت ، نورخان ءِ شاعری ءَ جہلانکی ءَ کہ وانئت تہ گُمان ہمے گوزیت کہ آئیءَ شعر پربندگءَ ساری فکر کنگءُُ لبزانی گچینءِ وہدا ہچ ریا ماں وتی قلم ءِ گپتاراں روا نہ داتگ ءُُ ہچ شے چہ وت ءٙ گستا نہ داشتگ ، یک فطری یا (Natural) آرٹسٹ ءُ ازمکارے ءِ مستریں منصب ہمیش انت کہ آ نبشتہ کنگ ءِ وہد ءٙ ہچ گونگیں فکری باوستے گوں وت ءٙ ہم ترانءُُ ہم نیاد مہ کنت ۔ چہ پیشیگاں ہوار ءُُ گوں دیمتر ءِ آؤکاں ، گستا نورخان ءَ اے دوئیں کار وتی دل ءِ تب ءَ چہ کمتر مہلوک ءِ گیشتر حیال گور کتگ ، من ءٙ کہ جست بہ گرئے تہ من اے گشگ ءَ ہچ چک ءُُ پد نہ باں کہ اے شعرانی ارزشت ہما وہدی زانگ بیتگ اٙت کہ جسمانی یا (Physicaly) صُورت ءٙ آ گوں ما ہمراہدار بیتیں، بلے یکے نہ یکے ءَ اے کار کنگ لوٹیت ، گوست ما گوازینتگ ، نی مروچی کہ ما ہر دانکے وتی ند ءِ باہوٹ کنیں آ باندا روچ ءَ پہ دٙروٙر بلوچ راج ءُُ آ دگہ مہلوک ءَ ہما صورت ءَ کہ نورخان دگہ زبان ءَ بدل مہ بیت، کسے نہ زانت کہ ازم ءِ کجام سرکیلاں شمار بیت ، من نہ لوٹاں کہ گوں وتی مہلوک ءَ رو ءُُ ریا بہ کناں، ہرچی کہ نورخان ءَ تچک ءٙ گشتگ من ہماہاں تچک ءٙ تچک رسیناں ۔ نورخان ءِ شاعری ءِ وانگ ءَ پد آئی ءَ شخصیت چو آدینک ءَ مردم ءِ دیما میلانک بیت ۔ Noor khan bizanjo o aaie izm writer : mubarik qazi voice : nisar yousuf balochi maragish baam shuben . #noorkhanbizanjo #mubarikqazi

Category