الامساك عند القطط USA-DE

هلا والله اليوم موضوعنا عن الامساك عند القطط الامساك كثير منتشر بين القطط المنزليه و اكثر مسبب هو الاكل المصنع وخاصه الاكل الجاف والاكل اللي نطبخه الغير متكامل والغير متوازن والقليل بالالياف. كل هذا الاكل يسبب الامساك وصلابه بالبراز الله يعزكن، بصير صعب انه ينزلق بسهوله بالامعاء. من اسباب الامساك كرات الشعر اللي بتشكل حاجز نزول البراز الله يعزكن. الامساك هو عارض مش المرض بحد ذاته ممكن يكون عارض لمرض السكري الغده الدرقيه التهاب البنكرياس او متلازمه القولون العصبي. لما يصيب البسينة امساك وبتوقف تاكل وهون المربى بصير يعطيها اكل مهروس او اكل للاطفال بس للاسف هذا الاكل مش منيح لان مش متوازن ومتكامل وقليل الالياف، ما رح يساعد بالعكس رح يزيد الموضوع سوء. اذا ما تعالج الامساك راح يصير مشكله بالامعاء لان راح تتمدد جدرانها وتعمل شيء مثل الجيوب. وهون رح يصير نسمع مواء شديد من القطة لصعوبه انزلاق البراز والالم الناتج عنه ويمكن تصير تعمل بره اللتربوكس لان رح يرتبط براسها الالم باللتر بوكس. بقاء البراز بالامعاء وعدم علاجها رح يخلي يصير في تراكم بالبراز وبعض منها رح يمتصها الجسم. لو ضل الامساك يومين لثلاثه ايام لازم نتوجه للطبيب البيطري ليعطي البسينه ملين للمعده واكيد راح نغير النظام الغذائي ويكون غني بالالياف ونزيد من الاكل الطري ونحفذ القطه على شرب الماء والشوربات. اذا ما لانت المعده لازم نتوجه في اليوم الثاني للطبيب البيطري. ورح نضطر نعملها اشعه لنعرف شو سبب الامساك. اما عوارض الامساك فهي براز قاسي لونه غامق تقريبا اسود. البراز بيكون على شكل كرات متقطعه. رح نسمع مواء شديد من الالم عند دخول اللتربوكس. محاوله تغيير الوضعيات لتخرج ممكن نزول الدم مع البراز. زياره اللتربوكس عده مرات بالنهار والفشل بعملية الاخراج. شرب الماء بكثره وهذا يدل على الجفاف. لازم نأكد للطبيب البيطري انه يفحص لو البسينة بتعاني من مرض الكلى او السكري او الغده الدرقيه. لتفادي الامساك لازم انه نمشط شعر قطتنا كل يوم حتى لا تتجمع تكتلات الشعر في المعده. اعطاء القطه اكل صحي غني بالالياف. وعلى النظام الصحي او الاكل ان يكون متكامل ومتوازن. علينا اضافه ثلاث مرات بالاسبوع ملعقه من الجزر المهروس حتى يساعد على تنظيف جدار المعده جدار الامعاء. بحبكن كثير لانه بتحبوا البسينات و بتهتموا فيهن.

Category